في ظلام الليل، وأوجاع الغياب
شيء في قلبي؛ وفي روحي جبه
كن بين أوجاع قلبي…. والإياب
ألف حرف! وألف جرح وتجربه
هو غيابك حرّك أطراف الجواب
في سؤالي عن شعور مجابهه
هو صحيح الموت لا من جا غلاب
لا حضور، ولا كلام، ولا حقيبه مزهبه
في وداعك صمت وحسرات وثواب
وفي وداعك كل دمعة مرتبه
كنها لؤلؤ على متن السحاب
هو صحيح الموت، لا حضر من يغلبه؟
رحت في حسراتي ومرّ الغياب
أشكي جرحي والثواني معذبه
لا في “ليت” ولا في “لو” أو عذاب
لأن فيك الخير أسمى مرتبه
لو بكيتك ما بكيت إلا السحاب
ولو رثيتك ما رثيت إلا ذهبه
يوم أقفيتي، حسبت إن السراب
شيء قدامي ولا أقدر أكتبه
لين موتك حرك أوراق الغياب
وعلّم حروفي …..مرار التجربه
ليت موتك كان ماضي في غياب
وليت عمرك ما فنى في حاضره
كنتي الأمثل على راس الجواب
في حضورك ماتت أكبر أسئله
لأنك الأولى في علم وفي مهاب
وانتي أعذب من حروف مرتبه
سمر ذايب العتيبي 
أضف تعليق