تايهٍ في صمتي، واحتارَت جهاتي
كل دربٍ عاث فيني في طريقه
في عيوني ألف فكره عن حياتي
وانكساري ما لقى غيري رفيقه
كل يومٍ أعد فيــه أمنياتي
وأحاول أزرع الأمل وسط الحريقه
ما بقى لي غير صبري وصلواتي
وكل لحظة صرت فيها مستضيقه
أرتجي فرحه، وأكتم آه ذاتي
وابتسم، وبداخلي حزنٍ يعيقه
يا زمن، لو تسمع اللي في شتاتي
كان يمكن ترتوي روحي الغريقه
كل حلمٍ مرّني خلّى سُكاتي
يشهد إنّي عايشه بآخر دقيقه
هي دقيقة صمت والعالم سُباتي
يشبه إنسانٍ طعن روحه رفيقه
ما طلبت، إلا سكونٍ بدعواتي
والسّكون أحيان يصرخ بالحقيقه
ما بكى صوتي، ولكن الدمع آتي
ينزف جروحٍ تظلم بالوثيقه
وان تعثرت الخطا باخر حياتي
ما رضيت أمدّ دمعي في طريقه
اقبلي مثل الوتين يروي شتاتي
خلي نورك يضوي دنياي العتيقه
يا رفيقة قلبي ورفيقة حياتي
جل همي في بعادك ما اطيقه
انزف دموعي، وتحزني حياتي
وانتي نبضك داخلي يشفي غليقه
ليت ربي يحفظك لي في حياتي
واسعد بشوفك وانسى كل ضيقه!
سمر ذايب العتيبي 